नेपालमा औलो उन्मुलनको क्रमसँगै पहाडी जिल्लाहरुबाट तराईतिर बसाईसराई बढ्दै जाँदा शिक्षा र स्वास्थ्यलाई आधारभूत आवश्यकता मानी समाजसेवी तथा शिक्षाप्रेमीहरुले विद्यालय स्थापनाको पहल गर्नुभयो।

वि.स. २०२७ साल भदौ महिनामा जनता प्राईमरी स्कुल मोतीपुर र पञ्चकोशी प्राईमरी स्कुल बकुवामा समाहीत भई श्री जनज्योति प्राईमरी स्कुल बकुवा मोतीपुरको नामबाट शैक्षिक सेवा सुरु भयो।

वि.स. २०३० सालमा सरकारी मान्यता प्राप्त गर्दै विद्यालयले निरन्तर शिक्षा प्रदान गर्दै आएको छ। वि.स. २०६६ मा कक्षा ११ र १२ को स्वीकृति प्राप्त भई माध्यमिक तहसम्मको शिक्षा सञ्चालन भइरहेको छ।