जनज्योति माध्यमिक विद्यालय

नेपालमा औलो उन्मुलनको क्रमसंगै पहाडी जिल्लाहरुबाट तराई तिर बसाईसराई गर्ने क्रममा दैलेख, सुर्खेत र दाङ्गबाट वि.स.२०२३–०२४ सालतिर यस बर्दिया जिल्लामा पनि मानिसको वस्ति विस्तार हुदैजान्छ । गाँस र बाँसको व्यवस्था पश्चात शिक्षा स्वास्थ्य पनि अति आवश्यक आधाभुत तत्व हो र मानव जिवनमा यसको महत्व ठान्दै तत्कालीन समाज सेवी एवं शिक्षाप्रेमीहरुले विद्यालको स्थापनाका लागि पहलकदमी चाल्नु भयो ।

यसै क्रममा वि.स. २०२७ साल भदौ महिनामा जनता प्राईमरी स्कुल मोतीपुर र पञ्चकोशी प्राईमरी स्कुल बकुवामा समाहीत भै श्री जनज्योति प्राईमरी स्कुल बकुवा मोतीपुरको नामले यस क्षेत्रका बालबालिकाको शैक्षिक उन्नयनमा निरन्तर लागिरहेको छ ।

वि.स.२०३० सालमा यस क्षेत्रका समाजसेवी तथा शिक्षा प्रेमीहरुको सत्प्रयासवाट यस विद्यालयले स्वीकृती प्राप्त गरी सरकारी मान्यता प्राप्त गर्दै शिक्षा प्रदान गर्दै आएको छ । वि.स. २०६६ मा कक्षा ११ र १२ को स्वीकृती प्राप्त गरी माध्यमिक तह सम्मको शिक्षा प्रदान गर्दै आइरहेको छ ।